नासिरभाई ! अल्लाह आपको सलामत रखे !

तुम्हांला मायकेल बेव्हन आठवतोय ? ...

बघा ! हा कोण होता ? इथपासून तुमची सुरवात झाली ... अहो ! हा आत्ता –आत्ता १२-१५ वर्षापूर्वी रिटायर झालेला ऑस्ट्रेलियन क्रिकेटपटू ! विसरलात नां तुम्ही ?... अहो ! त्यां लोकांच्या क्रिकेट इतिहासात हा बऱ्यापैकी मोठा समजला जातो...कारण वन डे मध्ये पाचव्या सहाव्या किंवा वेळप्रसंगी सातव्या नंबरला येऊन सुद्धा यान त्यांच्या कित्येक गेलेल्या मॅचेस काढून दिल्या आहेत.... बघितलं नां ? आपली मेमरी आपल्याला कसा धोका देते ते ?... असंच होत आपलं ... त्यात नवीन काही नाही...

हे आज सांगायचं कारण म्हणजे आज १३ मार्चला आज पासून १६ वर्षापूर्वी गेलेल्या नासीर हुसेनच देखील तेच झालंय  ...नासीरच  वैशिष्ट्य म्हणाल तर आयुष्यभर लोकांना त्याचे यशाचे सिक्रेट समजून देखील ....म्हणजेच ...एकाच कथेवर त्याच-त्याच पठडीतले तेच-तेच नियमित सिनेमे काढत राहून देखील , लोकांच्या डोक्याला बिलकुल ताप न देता त्यानं अतिशय उत्तमोत्तम संगीताचे सिनेमे दिले आणि ते प्रचंड चालले सुद्धा ..... लोकं त्याचे  हे सर्व सिक्रेट जाणून होते तरी त्याच्या प्रत्येक सिनेमाला ते  हुं म्हणून गर्दी करायचे,जणू प्रत्येकवेळी आपण काही तरी नवीन पहातोय या भावनेने , पण एवढं असून देखील   त्याचा संगीताचा कान आणि सेन्स किंवा  सिनेमा या माध्यमा वरची   पकड ही इक्विवॅलेंट टू राजकपूर होती  असं त्याला त्याच्या उभ्या हयातीत कधी कुणी म्हणल नाही... हे त्याला तेव्हा कुणी म्हणल नाही तर  त्या मुळे तो गेल्यावर तर त्याला कोण लक्षात ठेवणार ?...

पण नाही ! त्याला आम्ही लक्षात ठेवलंय महाराजा ! कारण त्याच्या वरच्या  नि त्या वेळच्या  अशाच काही जणांच्या वरच्या केवळ निस्सीम प्रेमापोटी त्यांचे  सिनेमे कॉलेजेस् बंक करून बघयला मिळावेत या साठी आम्ही आमच्या कॉलेजची तेव्हाची ३ वर्षाची शिक्षण ५-५ वर्ष लांबवली आहेत.आज तुम्हांला हा थोडा आगावू पणा वाटेल पण या रूपाने आमच्या पिढीने जणू या लोकांना त्यांच्या जिवंतपणीच श्रद्धांजली वाहिली आहे.  

त्या मुळेच आज त्या नसीर हुसेनची आठवण त्याच्या सोळाव्या स्मृतीदिनी पुन्हा एकदा त्याच्या १९७६च्या   एका गाजलेल्या सिनेमातील एव्हर ग्रीन गाण्यातून करून देताना एक वेगळा आनंद होत  आहे. 

बाय द वे , हे गाणं बघतांना मला एक सहजच  कवी कल्पना सुचली ती ही सांगून टाकतो कारण हे गाणे नीतू सिंगवर गेस्ट अार्टिस्ट म्हणून चित्रित झालंय जी आज २०१८ मधे सुद्धा अतिशय सरळ साधी नि निरागस दिसते आणि आहे ... पण पुढे-मागे त्या रणबीर कपूरचे लग्न झाल्यावर,त्याची बायको म्हणजेच नीतूसिंग ची सून  आणि नितूचे न जाणो  काही एक कारणाने जर कधी काळी त्यांच्या घरातल्या-घरात वाजले तर नितू तिला तिचं हे गाणं दाखवून क्षणात चूप करू शकेल नि म्हणेल “बाई ,तुला मी काय होते ते माहित नाही ! आली मोठी शहाणी...! लागली  मला अक्कल शिकवायला !!!!! आधी हे बघ ! म्हणजे तुला कळेल मी काय चीज होते ते !!!! .... माझ्या पुढे फार हुशारी करू नकोस 😜

असो...बास ... आता गाणं बघा !

👇👍