जालंधर मध्ये १९२० ला जन्म झालेला आणि १९९५ ला ४ मार्चला म्हणजे आज अल्लाला प्यारा झालेला सय्यदाना इफ्तेकार अहमद शरीफ उर्फ “इफ्तेकार” हा चार भाऊ आणि एका बहिणीतला सगळ्यात थोरला .मॅट्रिक झाल्यावर लखनौच्या आर्ट्स कॉलेज मधून पेंटिंग डिप्लोमा पूर्ण करत, संगीताची आवड त्याला कलकत्त्याला घेऊन गेली.त्या काळातील गायक-अभिनेता के.एल.सैगलचा त्याच्यावर इतका प्रभाव होता कि,त्याने कलकत्त्यात संगीतकार कमल दासगुप्ताकडे गायक म्हणून ऑडिशन सुद्धा दिली.पण झाले भलतेच.दासगुप्ता इफ्तेकारच्या पर्सनॅलिटिनेच इतका प्रभावित झाला होता कि,त्याने गायका एेवजी चक्क अभिनेता म्हणून त्याची एम.पी.प्रॉडक्शन कडे शिफारस केली आणि १९४४ च्या “तकरार “ मध्ये तो अभिनेता म्हणून पडद्यावर आला.
इकडे १९४६ पर्यंत मुंबईत त्याची धाकटी बहिण “ वीणा ” (तजौर सुल्ताना ) हिंदी सिनेमात बऱ्यापैकी मोठी अभिनेत्री झाली होती.१९४६ला तर त्याने स्वतःच्या “शहजाद प्रॉडक्शन लिमिटेडच्या बॅनर खाली अशोककुमारच्या सहकार्याने , त्यालाच स्वतःच्या बहिणी समोर हिरो घेऊन सिनेमे काढले आणि चांगल्यापैकी पैसे मिळवले.१९४६ साली त्याने मुंबईत तेव्हाचे ५ लाख रुपये खर्चून चांगल्यापैकी प्रॉपर्टी सुध्दा विकत घेती.... असो.
१९६० नंतर इफ्तेकार चरित्र अभिनेता म्हणून हिंदी सिनेमात जास्त दिसू लागला.त्याच्या स्वतःच्या वयाच्या चाळीशी नंतर त्याने प्रमुख अभिनेत्याच्या भूमिकेतून अतिशय सहजपणे ,तरूण वयातच वडील,काका,आजोबा ,पोलीस ऑफिसर,पोलीस कमिशनर, कोर्ट रूम मधील जज्ज ,डॉक्टर या सारख्या भूमिकां सोबत क्वचित प्रसंगी खलनायकी शेडच्या भूमिका सुद्धा तितक्याच सुंदरपणे केल्या.
१९४७च्या भारत-पाकिस्तान फाळणीत याचे जवळचे नातेवाईक,भाऊ-बहिण एवढेच काय तर याचे आई वडील सुद्धा भारत सोडून पाकिस्तानात गेले पण ज्यू धर्मीय पत्नी व दोन मुलींच्या सह हा मात्र त्यावेळी अशोककुमारचा पाठिंबा आणि सहकार्य याच्या बळावर इथे भारतातच राहिला आणि त्याच्या आयुष्याचे सोने झाले.
आजच्या तरूण पिढीला इफ्तेकार थोडाफार माहित आहे तो त्याच्या अमिताभ सोबतच्या दीवार, किंवा डॉन मधल्या काही गाजलेल्या सीन्स मुळे. पण एक काळ असा होता कि, चरित्र अभिनेता म्हणून त्याला हिंदी चित्रपट प्रेमींच्या मनातील एका कोपऱ्यात नक्की स्थान होते. त्या मुळे आज इफ्तेकारचा त्याच दीवार मधला त्याचा गाजलेला सीन खास तुमच्या साठी...👇
कोणत्याही टिप्पण्‍या नाहीत:
टिप्पणी पोस्ट करा