"एका लग्नाची गोष्ट" पण चित्ररूप

तिचे नाव कॅटी आणि त्याचे नाव निक.

उत्कटप्रेम हे दोन प्रेमीजीवांना कुठवर घेऊन जाऊ शकतं त्याचे हे अतीशय दुर्मीळ उदाहरण बघीतलं की थक्क व्ह्यायला होतं.पहिल्यांदा बघितल्यावर पुन्हा दुसऱ्यांदा नजर त्या वरुन आपोआपच फ़िरते.वाटलं तर तुम्हीहि अनुभव घेऊन बघा.

कॅटिचे वय अवघे २१ अन तिचा प्रियकर निक सुद्धा फक्त २३ वर्षांचा.हा फोटो ११ जानेवारी २००५ पूर्वीचा म्हणजेच त्यांच्या लग्नाच्या आधीचा.कॅटि असाध्य कॅन्सरग्रस्त पेशंट होती आणि तिच्यावर केमोथेरपीचा ईलाज सुरु होता.तिचा केमोथेरपीचा एक,सेशन संपायची हॉस्पिटल मध्ये निक तिच्या सोबत राहून वाट बघतोय.

खरं तर कॅटिला तिचं शरीर आजिबात साथ देत नाहीएं,पण तारुण्यसुलभ नववधूच्या भावना तिला ह्या प्रसंगी सुद्धा,नववधूचा साज-शृंगार करण्यापासून रोखू शकत नव्हत्या. ढासळत जाणाऱ्या प्रकृती मुळे तिच्या कपड्यांचे फिटिंग सुद्धा सारखे अ‍ॅड्जेस्ट करावे लागत होते.कारण तिचे वजन वेगाने घटत होते.वेदनाशामक औषधांच्या मदतीने ती ह्याला सामोरे जात होती.

लग्नातील अनपेक्षीत प्रमुख पाहुणा तिचा ऑक्सिजन सिलेंडर होता.लग्नात आणि नंतरच्या रिसेप्शन मध्ये सुद्धा तो तिच्या सोबतच होता.चित्रात दिसणारे दुसरे जोडपे,नवरदेव निक ह्याचे आई-वडील आहेत,अन ते आपल्या मुलाचा हा लग्न सोहोळा भावूक होऊन बघत आहेत.

कॅटि व्हील चेअर मध्ये बसून तिच्या नवऱ्याच्या आणि त्याच्या मित्रांच्या गाण्याचा आनंद घेतीयं.

मध्यंतरात थोडी विश्रांती घेऊन,ती बळ एकवटायचा प्रयत्न करतानां दिसतं आहे.पण होणाऱ्यां वेदनां मुळे ती धड उभी सुद्धा राहू शकत नाहीएं ही वास्तवता आहे.

लग्ना नंतर अवघ्या ५ दिवसांत कॅटिला देवाघरचे बोलावणे आले.मृत्युशय्येवरील ह्या नववधूचा साज-शृंगार आपल्याला नक्कीच विचार करायला भाग पाडतो.आनंद हा प्रत्येक जण घेऊ शकतो,लुटू शकतो.तो किती काळा साठी आहे किंवा टिकेल हा भले नंतरचा प्रश्न आहे,पण प्रत्येक वेळी गंभीर,लांबोळका चेहरा करून आयुष्य कशाला म्हणुन जगायचे?अहो,आयुष्य कितीही असले तरी फार छोटेच असते.त्या मुळे त्यातील प्रत्येक दिवस हा आयुष्यातील पहिलाच दिवस असल्या सारखा जगा,क्षमाशील व्हा,निर्व्याज प्रेम करा आणि मोकळेपणाने हसायलां सुरुवात करा,आणि हो सर्वात महत्वाचे म्हणजे चेहऱ्यावरील स्मितरेषा कधी पुसू देऊ नकां.चला प्रयत्नाला सुरुवात तर करूयात.
वरील गोष्ट ही मला आमचे मित्र श्री.संजय जयस्वाल ह्यांच्या आलेल्या मेलचा मराठी स्वैरानुवाद आहे.संजयभाई धन्यवाद.