१९७५ ला आलेल्या शोलेचे बजेट होते ३ कोटी आणि १९७४ चा हिट पिक्चर “रजनीगंधा” बासूने
बनवला होता अवघ्या २ लाखांत. विद्या सिन्हाला दिले होते तेव्हा त्यानं ५ हजार
रुपये आणि अमोल पालेकरला बुक केला होता १० हजारांत. या दोघांचेही हे पहिलेच हिंदी
सिनेमे.
विशेष म्हणजे विद्याचे पहिले लग्न होऊन तेव्हां त्याला ही ६ वर्ष झाली होती.पण
याच्या सिनेमाची मात्र ती नायिका होती ...
कमाल म्हणायची कि नाही याची ? हा
होताच मुळी अफलातून.... अतिशय लो बजेटमध्ये आशयघन ,चांगले
सिनेमे बनवणं हा याचा डाव्या हातचा मळ होता.....मध्यमवर्गीय प्रेक्षकांची नेमकी
नाडी समजलेला हा हिंदी चित्रपट सृष्टीतील एक दुर्मिळ निर्माता ,दिग्दर्शक होता.
मघा पासून मी बासूला होता-होता
म्हणतोय त्याचं कारण फक्त एवढंच आहे कि आज १० जानेवारीला बासू ८८ वर्षांचा झाला पण
त्यानं सिनेमा करणं फार पूर्वीच थांबवलय..
आयुष्यातील तब्बल १८ वर्षे ब्लिट्झ या इंग्रजी साप्ताहिकासाठी चित्रकार व
व्यंगचित्रकार म्हणून काम केल्यावर त्यानं चित्रपट शिकायचा निर्णय घेतला.१९६८ च्या
शैलेन्द्रच्या “तीसरी कसमचा” ३ रा असिस्टंट डायरेक्टर म्हणून त्यानं उमेदवारी सुरु केली व १९७२ च्या जया
भादुरी –अनिल धवनच्या “पिया का घर”च्या निमित्ताने हा स्वतंत्र दिग्दर्शक बनला.पिया का घर मराठीतील
गाजलेल्या “मुंबईचा जावई “ चा रिमेक
होता.
बासूचं वैशिष्ट्य असं कि, त्यानं
१९७५ ते ८३ पर्यंत अवघ्या ९ वर्षात पार अमिताभ ,राजेश,जितेंद्र,धर्मेंद्र ,अनिल कपूर,ते अशोककुमार अशा नावाजलेल्या स्टार्स सोबत काम केले पण त्यातील एकालाही
त्यांच्या त्या वेळच्या बाजारभावा प्रमाणे मोबदला दिला नाही.छोटीसी बातच्या वेळी
तर यानं प्रत्येक सिनेमाला अडीच लाख रुपये घेणाऱ्या अशोककुमारला अवघ्या पन्नास
हजार रुपयात काम करायला लावल होतं.याच्या सिनेमा बनवण्याच्या पद्धतीवर फिदा होत
यातील मंडळीनी सुद्धा याच्या कडे काम
करतांना कधी कुरकुर केली नाही. जितेंद्र,राजेश,धर्मेंद्र,हेमामालिनी यांनी तर त्याच्यावर पदरचे पैसे लावून
सिनेमे काढले. ९० टक्के आउट डोअर व जेमतेम १०% ते सुद्धा अगदी नाईलाज झाला तरच इनडोअर
शूटिंग करत सिनेमा झटपट पूर्ण करणे हि याची खासियत होती.
आजचा त्याच्या सिनेमातील घेतलेला सीन “छोटीसी बात” मधला गाजलेला सीन आहे ,जो त्यानं अशोककुमारचे ५०,००० धरून अवघ्या ३ लाखात
बनवला होता. मात्र त्याचा निर्माता बी आर चोप्राने (महाभारत
फेम) त्या साठी बँकेकडून १२ लाख रुपये काढले होते
नि आजच्या काळात ज्याला “टाकणे “ म्हणतात तसं बासूला चोप्रानं “टाकून”
,नफ्यातील ५० टक्के हिस्सा द्यायचं कबूल केले असूनही त्याची
अवघ्या २ लाखांवर बोळवण केली होती.बासूही
बिचारा साधा होता कारण त्यानं ही ते २ लाख घेत त्याचा म्हाडाचा फ्लॅट तेव्हा निल
करून टाकला होता नि तो पुढच्या सिनेमाच्या तयारीला लागला होता ..
रजनीगंधा ने त्या काळी किमान कोटभर रुपयाचा गल्ला जमवला होता .. म्हणजे लक्षात
घ्या ... चोप्राने या “छोट्याश्या
बातीत” कसली छपाई केली होती ... असो. बासूला आजच्या दिवशी
शतायुषी भव हि मनस्वी शुभेच्छा ... छोटीसी बात मधला "तो" सीन इथे पहा ..👴
कोणत्याही टिप्पण्‍या नाहीत:
टिप्पणी पोस्ट करा