“दुलारी” एक जुन्या काळातील चरित्र
अभिनेत्री ...हिच्या केवळ ३७ सेकंदाच्या एका सीन मुळे आज हिच्यावर मला लिहावेसे
वाटले यातच सर्व काही आले. आज १८ जानेवारी हा तिचा जन्मदिवस.वडिलांच्या
आजारपणामुळे वयाच्या अवघ्या १५ व्या वर्षी म्हणजे १९४३ साली हिला नाईलाजाने
सिनेमात यावे लागले.नायिका म्हणून आपण येथे कधीच स्थिराऊ शकणार नाही हे तिला
आधीपासूनच माहित असल्याने हिरॉईनच्या
अवती-भवतीचे रोल करत आपला मोर्चा तिने वेळीच चरित्र भूमिकां कडे वळविला व तब्बल
१३५ सिनेमात काम केले.
हिचे खरे नाव अम्बिका गौतम . १९५२ साली ध्वनी मुद्रक जे बी.जगताप यांच्या सोबत लग्न करून
तिने सिनेमातून तब्बल ९ वर्षांचा ब्रेक घेतला व नंतर पुन्हा सिनेमा क्षेत्रात पुनरागमन
केले होते .२०१३ साली अल्माय्झरने हि पुण्यातल्या एका वृद्धाश्रमात गेली. अंतिम
काळात हिची मैत्रीण वहिदा रेहमानने चित्रपट कलाकार असोसिएशनला हिच्या आजारपणा बाबत
कळवल्याने त्या संस्थेने आर्थिक मदत
पुरविली व हिची मुलगी व नातू हिला शेवटच्या दिवसांत ऑस्ट्रेलिया वरून आर्थिक मदत
करत होते.
१९५०च्या सुमारास सिनेक्षेत्रातील लोकप्रिय मासिक फिल्मइंडिया मधील जाहिरातीत हिचे
नाव छापून येत असे हेच खरे तर विशेष आणि हीच हिची कमाई.तिचा आजचा सीन अमिताभ-शशी
कपूरच्या दीवार मधील अवघा ३७ सेकंदाचा आहे पण शशी कपूर ,ए के हंगल यांच्या सारख्या
कसलेल्या कलाकारांच्या समोर सुद्धा न बुजता,न घाबरता तिने जो अभिनय केलाय तो केवळ
अप्रतिम. तमाम रसिकांच्या आज सुद्धा तो लक्षात
आहे ,हेच हिच्या अभिनयाचे वैशिष्ट्य.
दीवार मधील तो सीन आज फक्त दुलारीच्या अभिनयासाठी ...
कोणत्याही टिप्पण्‍या नाहीत:
टिप्पणी पोस्ट करा