कोकणातल्या अलिबागला काझी म्हणून उदरनिर्वाह करणारा मुक्री वयाच्या २२व्या
वर्षी हिंदी सिनेमात आला. तो आणि दिलीपकुमार यांचे हिंदी सिनेमातील पदार्पण एकाच
वर्षीचे आणि एकाच सिनेमातले. आपल्या अंगभूत वैशिष्ट्यपूर्ण अभिनय कौशल्यावर त्याने
तब्बल ६०० हून अधिक सिनेमात काम केले.
जेमतेम ५ फूट उंची लाभलेल्या या अभिनेत्याने त्याला मिळालेल्या उंचीचा आपल्या
अभिनयात दिग्दर्शकाच्या सहाय्याने भरपूर उपयोग करत हिंदी सिनेमात अगदी छोट्यातल्या
छोट्या रोल मधे सुद्धा स्वतःचा ठसा नेहमीच उमटवला. समोरचा अभिनेता किती ही मोठे
नाव असणारा असला तरी त्या-त्या सीनमध्ये त्याने आपले अस्तित्व नेहमीच टिकवले. कमी
असलेल्या उंची मुळे खरतरं याला फ्रेममध्ये बसवताना कॅमेरामनची नेहमीच तारांबळ
उडायची आणि त्याची त्याला सदैव जाणीव असायची त्या मुळे फक्त चेहऱ्या मधून अभिनय
करत याने तब्बल ६ दशके हिंदी चित्रपट सृष्टीच्या गळेकापू स्पर्धेत स्वतःचे
अस्तित्व टिकविले हा जणू एक विक्रमच असावा. प्रेक्षकांना सुद्धा हा इतका आपल्यातला
वाटायचा कि ,त्याचं वय झाल्यावर सुद्धा त्याला कदाचित त्याच्या घरातली ५-२५ लोकं आणि त्याच्या सेटवरील
लोकं वगळता ,त्याच्या माघारी कुणी कधी अहोजाहो करत संबोधलं नसेल असं मला उगीचच
राहून-राहून वाटतंय.. तमाम प्रेक्षकांनी याच्यावर भरभरून प्रेम केले.
त्या मुळेच या छोट्या उंचीच्या मोठ्या अभिनेत्याचे स्मरण आज त्याच्या जन्मदिनी
१९७० च्या दशकातील गाजलेल्या त्याच्या १ प्रसंगांच्या आणि गाण्याच्या व्हिडीओ मधून आपण पाहू ... ↓
आजच्या लेखासाठी इन्टरनेट मायाजालाचे सहकार्य घेतले आहे.
कोणत्याही टिप्पण्‍या नाहीत:
टिप्पणी पोस्ट करा