लंचब्रेक मध्ये बागेतल्या लाकडी खुर्चीवर बसत तिने तिच्या तेलगु असिस्टंटला
तिच्या भाषेत पाणी आणायला सांगितले आणि आपल्या भाषेत कुणीतरी बोलतंय हे बघून तारेच्या
कम्पाउंड पलीकडे सुरु असलेल्या बांधकामावरील जेवायला बसलेल्या कामगार
स्त्रियांच्या माना तिच्या कडे गर्कन वळल्या.
पुण्यातल्या वानवडी परिसरातील हा
किस्सा आहे. १९८० च्या दशकांत हिंदी सिनेमात नाव कमावलेली पण मुळची तेलगु असलेली रामेश्वरी तिच्या
कुठल्याश्या हिंदी सिनेमा साठी तेव्हा वानवडीच्या एका बंगल्यात शूटिंग करत
होती.त्या काळी वानवडी हा पुण्याचा भाग किंवा उपनगर वगैरे समजले जात नसे.त्या मुळे
बघ्या प्रेक्षकांची संख्या जेमतेम हाताच्या बोटावर मोजता येईल एवढीच होती त्या
मुळे दुपारच्या लंचब्रेक मध्ये एका निवांत क्षणी रामेश्वरी बंगल्या बाहेरच्या एका
खुर्चीत येऊन बसली होती आणि वरील प्रसंग घडला होता...
मुळात ही प्रत्यक्षात काही फार देखणी ,ग्लामरस वगैरे अशी कधी नव्हतीच
,होती ती प्रत्यक्षात काळी सावळीच... आणि
त्यातून खरं नि स्पष्ट बोलायचं तर काळीच,
पण अभिनयाच्या उपजत गुणामुळे हिने १९७५ मध्ये पुण्यातूनच फिल्म्स एन्ड
टेलिव्हिजन इन्स्टी ट्यूट मधून अभिनयाचा डिप्लोमा केला होता आणि “ दुल्हन वही.......”
नंतर हिचे बऱ्यापैकी नाव झाले असल्याने निर्माते तिला हेरून चित्रपटात घ्यायचे...
पण त्या काळी त्या बांधकाम कामगार
स्त्रियांना ही कोण आहे, किती मोठी आहे ? हे माहित नसल्याने आणि ती सुद्धा त्यांच्या
सारखीच काळी-सावळी असल्याने त्यांनी हिच्याशी तेलगूत गप्पा मारायला सुरवात केली
होती. बऱ्याच दिवसांनी आपल्या भाषिक माणसाशी मातृभाषेत बोलायला मिळतंय हि संधी
साधून तिने हि त्यांच्याशी संवाद साधला. ही सिनेमात काम करतेय हे त्या बायकांना
तिच्या बोलण्यातून समजले त्या मुळे
त्यातील पोक्त बायकांनी तिला ,तू लहान आहेस , घर सोडून एकटीच इकडे आलीयेस आणि
त्यातून या असल्या सिनेमातल्या लोकांच्या मध्ये आहेस ... त्या मुळे जरा जपून रहा
बाई , ही सिनेमावाली लोकं फार काही चांगली नसतात असं हि ऐकलय असा वर तिला पोक्त
सल्ला ही दिला होता .. खरं तर तेव्हा हिचा “ दुल्हन वही
जो पिया मन भाए “ येऊन हिंदीत हिचे बऱ्यापैकी नाव झाले होते.
वरील किस्सा हा त्या काळी पुण्याच्या दै.सकाळ मध्ये छापून आला होता ..
अशा या रामेश्वरीचा ,पण पुढे म्हणे कुठल्याशा सिनेमाच्या शुटींगच्या वेळी
हिच्या अभिनयाचे बलस्थान असणाऱ्या डोळ्यांनाच अपघात झाला आणि हिची रियल ब्यूटी लोप
पावली. नंतर हिने त्वरित आपल्या एफ टी आय आय मधील जुन्या सहकाऱ्यासोबत लग्न केले व
संसारात रमली. सध्या ती उत्तम गृहिणी बनून, नवरा आणि दोन मुलां सोबत सुखाचा संसार
करत आहे.
आजचे तिचे गाणे तिच्या गाजलेल्या सुपरहिट " दुल्हन वही जो पिया मन भाए " मधून घेतले आहे.
लेखा साठी सहकार्य इन्टरनेट आणि यू ट्यूब : धन्यवाद ...
कोणत्याही टिप्पण्‍या नाहीत:
टिप्पणी पोस्ट करा